५ जेठ, काठमाडौ। एकपछि अर्को गर्दै एमाले नेताहरु एकीकृत माओवादीमा प्रवेश गर्ने प्रतिष्पर्धा चलिरहेको समयमा नेकपा एमाले नारायणी अञ्चल सदस्य रामपुकार यादव माओवादीमा प्रवेश गर्ने भएका छन ।
माओवादी केन्द्रीय कार्यालय कोटेश्वरमा अध्यक्ष प्रचण्डले यादवलाइ माओवादीमा प्रवेश गराउन लागेका हुन । यसअघि एमाले पोलिटव्युरो सदस्य उर्मिला अर्याल र रामचन्द्र झा माओवादी प्रवेश गरिसकेका छन ।
एमालेका एकजना केन्द्रीय सदस्यले पनि माओवादीमा प्रवेश गर्ने तरखर गरिरहेको माओवादी स्रोतले बताएको छ ।
उता एमाओवादीलाई टक्कर दिन एमालेले पनि करिब आधा दर्जन एमाओवादीका केन्द्रिय नेता पार्टी छिराउने तयारी गरेको बताइएको छ।

४ जेठ, काठमाडौं । नेकपा एमालेका नेता केपी शर्मा ओलीले उर्मिला अर्यालको एमाओवादी प्रवेशलाई हरियो रुखबाट एक-दुई पहँलो पात खसेको संज्ञा दिनु भएको छ ।

कपनमा शनिबार आयोजित पार्टी प्रवेश कार्यक्रममा नेता ओलीले जति खाँदा पनि नअघाएको भन्दै अर्यालको आलोचना गर्नुभयो । किर्नो पनि अघाएपछि सन्चोले बस्छ, तर जति खाँदा पनि नअघाउने कस्तो हो यो’ अर्याललाई लक्षित गर्दै नेता ओलीले भन्नुभयो-’दुई पटक मन्त्री बनाइयो । दुई पटक सांसद बनाइयो । केन्द्रीय सदस्य, पोलिटव्यूरो सदस्य बनाइयो, यत्ति गर्दा पनि पुगेन ?’

एमाले परित्याग गर्नेहरुलाई रुखबाट खसेको पहेँलो पात भन्दै उहाँले भन्नुभयो-’यस्ता पातहरुलाई लिएर प्रचण्ड एमाले सिध्यो भन्दै हिड्छन् ।’ कपनबाट ३ जनाले एमाले परित्याग गर्दा ३ सय १२ जना एमाले प्रवेश गरेको भन्दै नेता ओलीले कहाँ एमाले सकियो भनि प्रश्न गर्नुभयो ।

एमाओवादीले महान जनमुक्ति सेना, प्रचण्डपथ सबै छाडिसकेको भन्दै उहाँले भन्नुभयो-’आकासबाट झरिसकेको छ । तर कहाँ खस्छ थाहा छैन

२५ वैशाख, काठमाण्डौं । द्वन्द्वग्रस्त अफि्रकी मुलुक सुडानमा शान्ति स्थापनामा खटिएका नेपाल प्रहरीका अधिकारीहरु लुटिएका छन् । एके ४७ सहित आएका लुटेराले नौ जना प्रहरी अधिकारीको निवास नै कव्जामा लिएर लुटपाट गरेका थिए ।
हतियारधारी समूह मंगलबार बिहान सुडानको नैलास्थित नेपाली प्रहरीको क्याम्पमा प्रवेश गरेको थियो । एके ४७ बोकेका सातजनाले मार्ने धम्की दिएपछि नेपाल प्रहरी अधिकारीले आत्मसमर्पण गरेका थिए ।
त्यहाँ सल्लाहकारका रुपमा काम गर्ने प्रहरीलाई हतियार राख्ने सुविधा हुँदैन् । उनीहरुलाई राष्ट्रसंघले बस्ने ठाउँको पनि व्यवस्था नगर्ने भएकाले कोही होटलमा त कोही घर भाडामा बस्दै आएको नयाँ पत्रिकामा खबर छ ।

स्रोतका अनुसार विहान ३ः३५ मा आएका लुटेराले सवा ४ बजे सामान लिएर फर्केका थिए । उनएहरुले १५ लाख बराबरको धनमाल लुटेको प्रहरीले बताएका छन् । लुटिएका एक प्रहरीले भने, ‘आत्मसमर्पण नगरेको भए, ज्यान जान्थ्यो, सात जना लुटेरा मध्ये पाँचजनाको हातमा एके ४७ हतियार थियो ।’

उदयपुर, बैशाख २१   - नेकपा एमालेका प्रभावशाली नेता केपी शर्मा ओलीले माओवादीलाई ‘हत्याराहरुको जमात’ को संज्ञा दिनुभएको छ ।
नेकपा एमाले निर्वाचन क्षेत्र नं. २ को क्षेत्रीय अधिवेशन फुलबारीको घोराखोरीमा उद्घाटनमा एकीकृत नेकपा माओवादीको चर्को आलोचनामा गर्दै नेता ओलीले नागरिकको हत्या गरेर माओवादीले राजीतिक भविश्य खोजेको टिप्पणी गर्नुभयो ।
‘छबिलाल कार्की र गुरु लुइँटेलहरुको रगतमा सत्ता देख्ने माओवादीहरु हत्यारा नभए अरु के हुन् ?’ प्रश्न गर्दै ओलीले भन्नुभयो ‘छवि कार्कीको हत्या गरेर आफ्नो राजनीतिक भविश्य देख्ने माओवादीहरु बालकृष्ण ढुंगलजस्ता अपराधीहरुलाई संविधान सभामा पठाउन लागि परे ।’
अब हुने संविधान सभाको निर्वाचनमा नेकपा एमालेले बहुमत नल्याए संविधानसभाबाट संविधान नबन्ने ठोकुवा गर्दै नेता ओलीले विगतमा अतिवादी शक्तिहरु संविधान सभामा हावी भएकाले संविधान बन्न नसकेको बताउनुभयो ।

जिया केसी भन्ने बित्तिकै बोल्ड दृश्य दिने, चलचित्रमा खुलेरै अंगप्रदर्शन गर्ने नायिकाको तस्बिर धेरैको आँखा अगाडी आउँछ । तर जिया केसी सिनेमा नगरीमा प्रवेश गर्दा यत्ति धेरै बोल्ड थिइनन् । उनले अभिनय गरेको पहिलो चलचित्र ‘हो यही माया हो’ मा जिया साधारण युवतीको भुमिकामा देखिएकी छिन् ।सुवास गिरीको निर्माणमा तयार भएको यो चलचित्रलाई दिपक श्रेष्ठले निर्देशन गरेका हुन् । चलचित्रमा राजेश हमाल, करिश्मा मानन्धर, राज तिमिल्सिना, जिया केसीको मुख्य भुमिका छ ।
जेठ १० गतेबाट प्रदर्शनमा आउन लागेको यो चलचित्रमा नायिका केसीको भुमिका सामान्य युवतीको छ । जियाले सुरुवातका चलचित्रमा आफुलाई सामान्य भुमिकामा चित्रण गरेकी थिइन् । तर अभिनय गरेका कुनै पनि सिनेमा प्रदर्शनमा नआएपछि जिया एकाएक बोल्ड अवतारतमा प्रस्तुत हुन थालेकी हुन् ।
चलचित्र ‘हो यही माया हो’ मार्फत आफ्नो बोल्ड अवतार फेरिनेमा जिया ढुक्क छिन् । निर्माता सुवास गिरीले भने, ‘चलचित्रले माया को परिभाषा सिकाएको छ ।’ चलचित्रले राम्रो व्यापार गर्नेमा निर्माता गिरी ढुक्क छन् ।

via:onlinekhabar.com