रोमानियाकी एक २३ वर्षे युवती विश्वकै कान्छी हजुरआमा बनेकी छिन् । उनले ११ वर्षे छोरीले छोरो जन्माएपछि कल्कलाउँदो बैँसकी २३ वर्षे यी ठिटी हजुरआमा बनेकी हुन् ।

रिफ्का स्टानेस्कु नामकी ती युवती आफु १२ वर्षकी छँदा छोरी मारियालाई जन्म दिएकी थिइन् । मारियाले पनि आमाको सिको गर्दै अझ आमालाई नै माथ दिनेगरी ११ वर्षमै छोरो पाएपछि रिफ्का बैँशमै हजुरआमा बनेर विश्व रेकर्ड बनाउन सफल भइन् ।

स्मरण रहोस् रिफ्काकी आमा अहिले ४० वर्षी छिन् र उनले पनाती देखिसकिन् । यो परिवार रोमानियाको फिरन्ते समुदाय हो, जहाँ सानो उमेरमै बिहे गर्ने र बच्चा पाउने चलन नै छ ।