काठमाडौ, बैशाख ९ – सुनको भाउ लगातार बढ्दै गएको छ । सोमबार पनि तोलामा ३ सय रुपैयाँले बढेर सुनको भाउ ५० हजार ८ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

अघिल्लो हप्ता तोलामा ४९ हजार ५ सयमा झरेको सुनको भाउ गएको शुक्रबारदेखि भने लगातार बढिरहेको छ ।

अन्तर्राष्ट्रिय बजारमा भाउ बढेकाले नेपाली बजारमा पनि सुन महंगिएको महासंघले जनाएको छ । सोमबार अन्तराष्ट्रिय बजारमा सुन प्रतिऔँस १४ सय २० डलर छ ।

आइतबार १४ सय ५ डलर थियो । चाँदीको भाउ भने स्थिर छ । गएको विहीबारदेखि चाँदी तोलामा ८ सय ९० रुपैयाँमा किनबेच भइरहेको महासंघले जनाएको छ ।