२१ मंसिर,एजेन्सी। सोच्नुस त तपाई मर्निङ वाकमा हिड्नु भएको छ र तपाइको छेउमा अर्को मानिस नांगै कुद्छै छ भने तपाईलाई कस्तो अनुभव होला ? भलै नेपालमा यस्तो दृश्यको परिकल्पना गर्न नसकिएला तर न्युजिल्याण्डमा भने एक विहानै नांगै दौडिन सकिने भएको छ।
न्युजिल्याण्डको एक अदालतले एक व्यक्तिलाई नांगिएर दौडिने अनुमति दिएको छ। आफूलाई स्वाधिनतावादी बताउने ४७ वर्षिय एंड्रयु लयलले अदालतमा नांगै मर्निङ वाकमा जान पाउनु पर्ने माग राख्दै अपिल गरेका थिए।
केही समय अघी देखिनै एंड्रयु नांगै दौडने गरेका थिए, उनलाई नांगै मर्निङ वाकमा देखेर एक महिलाले उनलाई अश्लिता फैलाएको भन्दै प्रहरीमा उजुरी गरिदिइन्।उनलाई प्रहरीले तीन दिनसम्म हिरासतमा राखेको थियो। आफूलाई हिरासतमा राखेको भन्दै एंड्रयुले अदालतमा नांगै दौडन पाउने पर्ने माग सहित अपिल दायर गरेका थिए।
एंड्रयुले अदालतमा नांगै दौडनु अपराध भए भगवानले मानिसलाई यौनअंग दिनु हुदैनथ्यो भन्दै आफ्नो पक्ष राखेका थियो। अदालतले समेत उनको मागमा मञ्जुरी जनायो र अव उनले मात्रै होइन् जसले पनि न्युजिल्याण्डमा नांगै दौडन पाउने भएको छ। अदालतको यो फैसलालाई धेरै राजनैतिक नेता र सामाजिक कार्यकर्ताले भने मन पराएका छैनन्।
प्रि–प्रोडक्सन देखिनै विवादमा आएको फिल्म 9 0'clock को रिलिज तयारी पुरा भएको छ । प्रोष्टप्रोडक्सन पश्चात पहिलो कार्यक्रम गरी 9 0'clock युनिटले आज आफ्नो फिल्मको अडियो म्यूजिक लन्च गर्दै रिलिजको लागि सम्पूर्ण तयारी पूरा भएको जनाएको हो । फाल्गुन ११ मा रिलिज हुने यो फिल्मका लिड आर्टिष्ट सुमिना घिमिरे र ध्रुव दत्त हुन् ।
.jpg)
चीनका एक किसानले एउटा अचम्मको भकुण्डो बनाएका छन् । हेबेइ प्रान्तस्थित क्विन्टन गाउँका किसान लिउ क्विउयानले बनाएको यो भकुण्डोले केवल उनी एकजनालाई मात्र होइन अरु १३ जना सम्मलाई पनि भुइँचालो तथा सुनामी जस्ता विपत्तिबाट जोगाउनेछ ।
स्टिलको प|mेम बाहिर फाइबर ग्लासको खोल हालेर बनाइएको उक्त भिमकाय भकुण्डो भित्र छिरेपछि जस्तो सुकै विपत्तिमा पनि केही नहुने उनको दाबी छ । डिसेम्बर २१ मा पृथ्वीमा प्रलय हुने हल्ला चलेकोमा यदि प्रलय भै हालेमा पनि यो भकुण्डोभित्र छिरेमा जिउ जोगिने ती किसान बताउँछन् । सातवटा कोठा भएको यो भकुण्डोभित्र सास फेर्नका लागि अक्सिजन ग्यासको ट्यांकीका साथै बस्ने सिटमा सिटबेल्ट समेत छ । यो भकुण्डो पानीमा परेमा पनि सिधा माथि तर्फ तैरिने भएकाले भित्र बस्नेलाई केही हुँदैन ।
आफुले बनाएका जस्ता भकुण्डा चिन सरकारले प्रसस्तै बनाएर वितरण गर्ने र पृथ्वीमा प्रलय हुने दिन सबै जनतालाई जोगाउने उनको विश्वास छ । हेरौँ यो विचित्रको भकुण्डो ।
पूरै परिवार जनयुद्धमा पार्टीमा खटेको र अहिले आर्थिक कमजोर अवस्था रहे पनि पार्टीले देश र कार्यकर्ता दुवैलाई नहेरेको भन्दै आक्रोशित भई अध्यक्ष प्रचण्डमाथि जाई लाग्ने ती कार्यकर्ताले प्रचण्ड र बाबुरामसँग भेट गर्ने इच्छा जाहेर गरेका हुन् ।
पदम पक्राउ परेदेखि नै उनको रेखदेख गर्दै आएका उनका भिनाजु भीम भारतीले पदमको भनाई उदृत गर्दै प्रचण्ड र बाबुरामलाई भेटेर आफ्ना भनाई राख्न चाहेको जानकारी दिएका हुन् ।
एक कुराकानीमा भारतीले आफूलाई समेत मानसिक रुपमा तनाव दिएको समेत दुखेको पोखेका छन् ।
जिल्ला प्रशासन कार्यालय पुर्याइएका उनीसँग प्रजिअ चुडामणी शर्माले २८ हजार रुपैयाँ धरौटी माग गरेको र आफूहरुसँग त्यत्रो पैसा नभएकाले निकाल्न नसकेको समेत बताएका छन् ।
यसैबीच, नेताहरुले जनतालाई ढाँटीरहने, गरेका वाचाहरु पूरा नगर्ने, शान्ति सुरक्षा नदिएको तथा संविधान पनि नबनाएको अवस्थामा दिक्दार भई नेताहरुलाई सजग गराउन कुँवरले झापड हानेको र अहिले २८ हजार तिर्न नसक्दा उनी जेल चलान हुन बाध्य भएको भन्दै डिसीनेपालका सञ्चालक रामहरी सुवेदीले उनलाई जेलबाट छुटाउन २८ हजार सहयोग समेत गरेका छन् ।
यता, कुँवरका भिनाजुले भने पदमको विषयमा यसो भनेका छन् भिडियो हेर्नुहोस्
पुष १३ को मितिबाट माघ ५ का लागि रिलिज डेट सारिएको कलिउड फिल्मको फष्टलुक पोष्टरहरुलाई अफिशियल रिलिज गरिएको छ ।यस अघि दुई वटा ट्रेलर रिलिज गरेको जि वान क्रिएसनले आज आफ्ना तीन वटा पोष्टरहरुलाई फष्टलुकको रुपमा फिल्मीखबर मार्फत रिलिज गरेको हो ।
आर्यन सिग्देल, प्रियंका कार्की तथा दुई नयाँ अनुहार पायल थापा र बिष्णु कार्की यो फिल्मका लिड एक्टर्स हुन । नवराज आचार्यको भाग्य परीक्षाको रुपमा हेरिएको यो फिल्मको कथा नेपाली फिल्म ईन्डष्ट्रीसंग सम्बन्धीत छ । तर नवराज कलिउडको रिजल्टलाई आफ्नो भाग्य परीक्षा भन्न रुचाउदैनन किन कि उनले १४ बर्षे मिडिया अनुवभको आधारमा यो फिल्म निर्देशनमा हात हालेका हुन । तसर्थ उनी सफल हुनेमा विश्वस्त देखिएका छन् ।
पछिल्लो समय यो ईन्डष्ट्रीलाई कलिउड भन्ने कि नभन्ने बिषयका बहसहरु पनि चलिरहेको छ जुनकुरा लाई निर्देशक आचार्यले आफ्नो फिल्म मार्फत कलिउडको आधिकारिक परिभाषा पनि दिन खोजेका छन् ।
लमजुङकी जमुना स्थानिय जेसिजकी फाउन्डर चियर पर्सनका अलवा गायिका समेत रहेकाले उनको क्रेजलाई फिल्ममा अटाउने सोचका साथ नो स्मोकिङ टिमले एक महिना अघि उनलाई अनुबन्ध गरेको थियो । तर फ्लोरमा जानका लागि सम्पूर्ण तयारी पुरा भएको अवस्थामा विना खबर जमुनाले ईन्गेजमेन्ट गरिदिएपछि नो स्मोकिङ टिम भित्र तनावको स्थिती सृजना भएको हो ।
यध्यपी निर्देशक सुमन दाहालले आपसी सम्झौतामा हिरोईन हेरफेर हुने सहमति भएको आफ्नो फेसबुक वालमा लेखेका छन् । दाहालले जमुनाको पारिवारिक ब्यस्तताको कारण अर्के हिरोईन राख्ने दुई पक्ष सहमति भएको उल्लेख गरे पनि त्यसो नभएको रहस्य खुलेको छ । चाडै नै विवाहको तयारीमा रहेकी जमुनासंग फिल्मीखबरले प्रश्न गर्दा उनले आफूलाई निकालिएको बिषयमा खबर नभएको तर्क गरेकी छिन् । यस्तै उनले कोसंग ईन्गेजमेन्ट गरियो भन्ने बिषयमा मुख खोल्न चाहिनन् तर आफू चाडै नै बिवाह बन्धनमा बाधिन लागेकाले हिजो २२ गते आफ्नो ईन्गेजमेन्ट भएको खुलाएकी छिन् ।
खैरावङ्ग फिल्म प्रोडक्सन कम्पनी मार्फत मुरारी पोखरेलको लगानीमा निर्माण हुन लागेको यो फिल्मको सुटिङ आउदो मंगलबार देखि हुने तयारी थियो तर जमुनाबाट धोका पाएको कारण फ्लोरमा जान थप दश दिन जति लाग्ने निर्देशक दाहालले फिल्मीखबरसंगको कुराकानीमा भनेका छन् । दाहालले भने, 'जमुना जीको स्थानमा उपयुक्त कलाकार खोज्न एक हप्ता जति लाग्ला अनि मात्र गईन्छ फ्लोरमा ।' यो फिल्ममा झरना थापा सहित दुई नयाँ हिरोहरु दिनेश देवकोटा र सञ्जय खतिवडा लिड रोलका लागि फाईनल भईसकेका छन् ।
अन्तत: रिलिज मिती कुर्दा कुर्दा परिक्षाको घडीको समय आएको छ थ्री लभर्सको । शुक्रबार मध्यम ओपनिङ गरेको थ्री लभर्सको शनिबारको बिहानी शो भने उत्साहजनक छ । राजधानीका अधिकांश हलहरूको बिहानी शोको अकुपेन्सी ९० प्रतिशत देखिएको छ । फिल्मका कलाकारहरू बिहानै देखि दर्शक प्रतिक्रिया लिन हलमा पुगिरहेका छन् ।
शुक्रबारदेखि देशब्यापी रिलिजमा आएको यो फिल्मलाई फ्यामेली शोको रुपमा केही फिल्मकर्मीले हेरेका छन् । शुक्रबार साँझ सुन्धारा स्थित सिभिल मलमा थ्री लभर्सका काष्ट र क्रु मेम्बरसंग फिल्म हेरेर निस्किएका केही फिल्मकर्मीलाई फिल्मीखबरले सोधेको थियो, थ्री लभर्स तपाईलाई कस्तो लाग्यो ?
फिल्म : थ्री लभर्स
व्यानर : थ्री ब्रदर्श क्रियशन
निर्देशक : सुरेश दर्पण पोखरेल
म्युजिक : राजन ईसान र बाबु बोगटी
सिनेमेटोग्राफर: पुरुशोत्तम प्रधान
फाईट : हिमाल केसी
कोरियोग्राफर : शंकर विसी र कविराज गहतराज
कलाकार : प्रियंका कार्की, निरज बराल, देबु श्रेष्ठ, धिरेन्द्र राज थापा, पूजा शर्मा, सुमन गैरे
राजकुमार राई (अध्यक्ष, चलचित्र निर्माता संघ) : म प्राय पुरै नेपाली फिल्म हेर्न सक्दिन थिए तर यो फिल्म चाहि पुरै हेर्न सकें मैले । फिल्म हेर्दा कलरफुल भएकाले ईन्टरटेनिङ छ । त्यसैले फिल्मको सवैभन्दा मन परेको पार्ट भनेको यसको कलरफुल मेकिङ हो मेरो नजरमा । नेपाली फिल्म भएकाले कमि कमजोरी भेटिन्छन् र यो फिल्ममा पनि मैले केही ठाँउमा यस्ता कमि कमजोरी भेटे । यो फिल्मको अर्को उत्कृष्ट पक्ष भनेको फाष्ट बीटको सुन्तली माई र स्याड संङ हो र कमजोर पक्ष चाहि फाईट लाग्यो । फिल्ममा उठाईएको कन्टेन्ट नयाँ लागेकाले यो फिल्म चल्नुपर्छ भन्ने मेरो धारणा छ । यो फिल्मलाई म १० मा ८ नम्बर दिन्छु । 
दीपाश्री निरौला (कलाकार) : मलाई यो फिल्मको म्युजिक र कोरियोग्राफी पार्ट एक दम राम्रो लाग्यो । नेपाली फिल्म हो त्यसैले ठूलो आशा बोकेर चाहि हर्ने जानुहुदैन । कलाकारहरु सवैको अभिनय राम्रो छ त्यस माथि नयाँ हिरोईन प्रियंकाको काम उत्कृष्ट छ जसकारण उनको भविष्य उज्जवल देखे मैले । निर्देशक सुरेश दर्पणको पछिल्ला फिल्म भन्दा यो फिल्म केही परिमार्जित भएको पाए । तर पनि उनको हकमा आगामी दिनमा स्टाईल भन्दा स्क्रिन प्लेमा अलि बढी होमवर्क गर्नुपर्छ जस्तो लाग्यो मलाई । यो फिल्मलाई म १० मा ५ नम्बर दिन्छु ।
कविता शर्मा (कलाकार) : यो फिल्मको म्युजिक एक दम राम्रो लाग्यो मलाई । त्यसमाथि लभ सङको कुरै नगरौ । फिल्मलाई गहिरिएर हेर्दै जादा केही ठाँउमा कन्टिन्यूटी जर्क फेला पार्न सकिन्छ । कलाकारहरुको पर्फमेन्सको कुरा गर्दा प्रियंका र निरजको काम एकदम राम्रो । अरु कलाकारहरुको हकमा पुजा शर्मा बाहेक दुई नयाँ कलाकारहरु देवु र धिरेन्द्रले पनि न्याय नै गरे जस्तो देखिन्छ । यो फिल्ममा मेकअप पार्ट केही कमजोरी देखे मैले । समग्र डाईरेक्टरको काम ठिकै लाग्यो । तसर्थ यो फिल्मलाई मेरो तर्फबाट १० मा ४ नम्बर । तर संगीत र कोरियोग्राफीको हकमा चाहि १० मा १० ।
कमल श्रेष्ठ (ग्ल्यामर फोटोग्राफर) : फाष्ट कटिङका कारण स्टोरी नै नबुझिएलाकी जस्तो लाग्छ यथ्यपी फिल्म हेर्दै जादा कता कता हलिउड स्टाईलको जस्तो पनि लाग्यो मलाई । स्टोरी टेलिङ अलि फरक रहेकाले रोना धोना मनपराउने दर्शकका लागि यो फिल्म उपयूक्त छैन । डाईरेक्टरलाई लिएर हेर्दा फिल्मको केही ठाँउमा कमिकमजोरी छन् तर म्युजिक मा भने कुनै कमेन्ट छैन । आर्टिष्ट पर्फमेन्समा सर्वाधिक राम्रो प्रियंकाले गरेकी छिन् । यो फिल्मलाई १० मा ७ दिन्छु ।
सुसन प्रजापति (सिनेमेटोग्राफर) : फिल्म एभरेज छ । सवभन्दा राम्रो चाहि म्युजिक छ। कलाकारको हकमा प्रियंकाको काम उत्कृष्ट लाग्यो । यसैगरी निरज बरालको हकमा पनि राम्रो छ । अर्की नयाँ हिरोईन पुजा शर्माको बडी ल्याङ्वेजमा प्रोबलम देखियो । अर्को नयाँ आर्टिष्ट देवु श्रेष्ठको चाहि अभिनय नराम्रो भनिहाल्ने ठाँउ छैन उहाँको भ्वाईस निकै राम्रो लग्यो । भ्वाईसको कुरा गर्दा हाम्रो ईन्डष्ट्रीमा एउटा यस कुमारको भ्वाई राम्रो छ भने अर्को देबुजीमा देखे मैले । निर्देशक सुरेश दर्पणजी र मैले ओस्कार फिल्म कलेजमा संगै पढेका थियौं त्यसैले पनि यो फिल्म हेर्न म उत्सुक थिए तर फिल्म हेर्दै जादा मेरो एक्सेपटेशन मिट गरेन त्यसैले यो फिल्मलाई १० मा ६ नम्बर दिन्छु ।
चलचित्र सेन्सर बोर्डमा नयाँ अध्यक्ष आएसँगै सिनेमा क्षेत्रमा एक प्रकारको त्रास फैलिएको छ । नेपाली चलचित्रमा चुम्बन र बेड सिनलाई सामान्य मान्दै गएपनि नव अध्यक्ष भने यसको पक्षमा छैनन् । सिनेमालाई प्रदर्शनको अनुमति दिने या नदिने निर्णय सेन्सर बोर्डको हुने भएकाले पनि चलचित्रकर्मीले सामान्य आवाज उठाउनुभन्दा अन्य केही कदम चाल्न सक्ने सम्भावना छैन ।
चलचित्र सेन्सरबोर्डका नवनियुक्त अध्यक्ष नारायणप्रसाद सञ्जेलको नीति छ, ४ सेकेन्ड लामो किस, ४ सेकेन्ड लामो वेड सीन । सिनेमाभित्र योभन्दा लामो दृश्य राखेमा बोर्डले कैंची चलाउने पक्का छ । यसको शिकार चलचित्र थ्री लभर्स भैसकेको छ । थ्री लभर्समा ४ सेकेन्ड लामो किस सिन र ४ सेकेन्ड लामो वेडसिनमात्र राख्न सेन्सर बोर्डले आदेश दिएको छ ।
यतिमात्र होइन, चलचित्र सेन्सर गर्न पुगेका केही निर्माता भन्छन्, नवनियुक्त अध्यक्षलाई हिन्दी चलचित्र वागवानजस्तो नेपाली चलचित्र चाहिँदो रहेछ । बोर्डका अध्यक्ष सञ्जेल नेपाली सिनेमा वागवानजस्तो बन्नु पर्ने भनाइ राख्छन्, एक चलचित्रकर्मीले अनलाइनखबरसँग भने । हिन्दी चलचित्र बागवान विशुद्ध पारिवारिक चलचित्र थियो ।
सेन्सर बोर्डले सामान्य दृश्यमा समेत कैंची चलाउन थालेपछि चलचित्रकर्मीहरुमा एकप्रकारको त्रास फैलिएको छ । पछिल्ला धेरैजसो नेपाली सिनेमाभित्र चुम्बन र बेडसिनका दृश्यहरु समावेश गरिएका छन् । तर, सेन्सर बोर्ड यस्ता दृश्यलाई पास नगर्ने पक्षमा रहेको वुझिन्छ ।
बुधबार फिल्मीखबरसँगको जम्का भेटमा फिल्मका निर्देशक शिबजी लामिछानेले पौष २७ मा आफ्नो फिल्म लाग्ने बताए । उक्त मितीमा जलजला आउने भएपछि केहि महिना अगाडी रिलिज मिती तय गरिएको फिल्म 'पदमिनी' भने संकटमा परेको छ । फिल्मका निर्माता छिरिङ दोर्जे लामाले अचानक जलजला आउन लाग्दा आफू अचम्ममा परेको भन्दै आफ्नो फिल्मको रिलिज अन्यौलमा परेको बताए । पदमिनी फिल्मलाई पनि डिसिएनले नै रिलिज गर्ने बताईएको थियो ।
चलचित्र विकास बोर्डका पूर्व अध्यक्ष तथा जलजलाका निर्माता समेत रहेका गणेश भण्डारीले अब केहि दिनमा नै फिल्मको पब्लिसिटी शुरू गर्ने बताए । एडल्ट (वयस्क) सर्टिफिकेट पाएको 'जलजला' मा आयुष रिजाल, रेखा थापा, कमल कृष्ण, किशोर खतिवडा, स्वर्गिय गोपाल भुटानी लगायतको अभिनय रहेको छ । काशिराम भुसाल निर्माताको रूपमा रहेको यो फिल्ममा चेतन सापकोटाको संगीत सुन्न सकिनेछ ।
यस्तै पौष २७ मा नै अर्को फिल्म अध्याय रिलिज हुने बताईएको छ । प्रवीण स्याङ्बोले निर्देशन गरेको यो फिल्मको पनि पब्लिसिटी शुरू भईसकेको छैन । अहिलेका युवाहरूको प्रेम गर्ने शैलीलाई चित्रण गरि निर्माण गरिएको यो फिल्ममा कर्मा, सुशीलराज पाण्डे, आकाश मगर, सिम्पल खनाल, शान्ति गिरी, स्वस्तिका राजभण्डारी, अंकिता बुढाथोकीको मुख्य अभिनय रहेको छ ।
आफ्नो फिल्मको रिलिज मिती अन्यौलमा परेपछि निर्माता लामाले पनि पब्लिसिटीलाई अगाडी बढाउन सकेका छैनन् । राम प्यासीले निर्देशन गरेको यो फिल्ममा निशा अधिकारी, अनिल थापा, सरिता गिरी, सुनिल दत्त पाण्डे लगायतले अभिनय गरेका छन् । फिल्मका अर्का निर्माता बसन्त कुमार श्रेष्ठ पनि हुन् जो अहिले अष्ट्रेलिया भ्रमणमा छन् र फिल्मको रिलिजको चाँजोपाँजो मिलाउनमा व्यस्त छन् ।
‘मैले गीत छोडी आए फुलको तरेलीमा’…….चलचित्र ‘सारङ्िग’मा नायक सरोज खनालले यो गीतमा अभिनय गर्दा धेरैको मन छोएको थियो । नेपाली सिनेमा क्षेत्रमा कुनै बेला सरोज खनालको क्रेज अत्याधिक थियो । सरोज खनालका नाममा हलमा दर्शकहरु ओइरिन्थे ।तर एकाएक करिअरको उचाईमा रहेको समयमा खनाल अमेरिका पलायन भए । उनी अमेरिका पुगेपछि दर्शकले पनि बिस्तारै उनको नाम बिर्सदै गएका छन् । तर सरोजले गरेको अभिनयको नशाले दर्शकलाई अझै पनि छोडेको छैन ।
यादव सिलवालको निर्देशनमा तयार भएको चलचित्रमा सरोजलाई नायिका दिपशिखा शाहीले साथ दिएकी छिन् । चलचित्रमा निश्चल श्रेष्ठको कथा तथा गीत, विकास चौधरीको संगीत छ । सरोज खनालका फ्यानहरुका लागि ‘मानव’ नौलो स्वाद हुने विश्वास निर्माणपक्षको छ ।
'अझै केहि मोन्टाज सट खिच्न बाँकी नै छ त्यो दुई साता पछि खिचिन्छ र अफिसियल इण्डक्ल्यापको घोषणा गरिनेछ', निर्देशक शेर्पाले भने, 'म दुई साताका लागि भारत जानु पर्ने भएकाले ब्रेक गरिएको हो ।' सुटिङ दौरानमा कलाकारहरूले धेरै राम्रो काम गरेको निर्देशक शेर्पा बताउँछन् । उनी भन्छन्, 'कलाकारहरूले कल्पना गरेभन्दा राम्रो काम गर्नु भएको छ ।' यस्तै प्राबिधिकहरूबाट पनि राम्रो सहयोग मिलेकाले २८ दिनमा नै सुटिङ सकिएको उनले बताए ।
शिर्ष भुमिकामा देखिएकी नायिका ऋचा शर्माले पनि छिरिङबाट धेरै कुरा सिकेको बताईन् । उनले भनिन्, 'यति धेरै काम त मैले अहिलेसम्म सिक्ने मौका पाएकी थिईन ।' दश बर्षे जनयुद्धको एक अंश अर्न्तगतको एउटा प्रहरी दाजु र माओवादी बहिनी बिचको द्धन्दात्मक कथामा आधारित रहेर निर्माण गरिएको यो फिल्ममा ऋचाले फिल्ममा माओवादी कमरेडको भुमिका निर्वाह गरेकी छिन् । यस्तै फिल्ममा सौगात मल्ल, दयाहाङ राई, प्रविण खतिवडा, मिथिला शर्मा, प्रमोद अग्रहरी, पुष्कर गुरुङ, प्रकाश घिमिरे, सुरेश चन्द पनि मुख्य भुमिकामा छन् ।
मिला प्रोडक्सनको ब्यानरमा निर्देशक स्वयंले निर्माण गरेको यो फिल्मलाई पुरूषोत्तम प्रधानले खिचेका हुन् । उनी यो फिल्मको सुटिङ सकेर सोमबार देखि सुटिङ शुरू भएको झोलेमा व्यस्त भईसकेका छन् । यस्तै फिल्ममा गोपाल योञ्जन र अभय एन्ड स्टिम ईन्जन्सको संगीत रहेको छ ।
माघ १२ गते रिलिज गर्ने योजनाका साथ पब्ल्सिटीको शुरूवात गर्दै फिल्म 'सि-माला' को अफिसियल प्रोमो रिलिज गरिएको छ । फिल्मको कथाबस्तु नखुलाईए पनि प्रोमोले फिल्म प्रेमकथामा आधारित रहेको संकेत गर्छ ।मुस्ताङ र पोखरा छायाँकन गरिएको यो फिल्मलाई रूद्र गुरूङले निर्देशन गरेका हुन् । मनोज आरसी, दिप्ती गुरुङ, निर्भिक राई र रोश्नी कार्की मुख्य कलाकारको रुपमा रहेको यो फिल्ममा चर्चित गायक राजेश पायल राईको पनि अभिनय हेर्न सकिनेछ । गायक राईलाई फिल्ममा नेगेटिभ भुमिकामा देख्न सकिने निर्माण युनिटले बताएको छ । 'छोटो तर मिठो भुमिकामा उहाँ देखिंदै हुनुहुन्छ', निर्देशक गुरूङले भने ।
आरबीए फिल्मस मार्फत पहिलो पटक निर्माण भएको यो फिल्मको कथा राम बाबु गुरूङले लेखेका हुन् । फिल्ममा डेभिड चाउको छायाँकन, प्रकाश गुरूङ, बिभुषण बस्नेतको संगीत, निमेश श्रेष्ठ र राजेन्द्रको सम्पादन, बाबु श्रेष्ठको करियोग्राफी तथा श्रवण मुकारूङ र भुपाल राईको गीत रहेको छ ।
आगामी शुक्रबार अर्थात मंसिर २२ गते रिलिज हुन लागेको फिल्म 'थ्री लभर्स' लाई १६ बर्ष मुनिका बालबालिकाले अभिभावकको रहोबरमा हेर्न पाउने गरी सेन्सर बोर्डले पिजी सर्टिफिकेट दिएको छ । मंगलबार अन्तिम पटक फिल्म हेरे पश्चात केहि सिन र संवाद समेत हटाउन लगाउँदै सेन्सर बोर्डले पिजी सर्टिफिकेटका साथ प्रदर्शनको अनुमती दिएको हो ।फिल्म सेन्सर भए पश्चात फिल्मीखबरसँग कुरा गर्दै निर्देशक सुरेश दर्पण पोखरेलले पछिल्लो समय आएका केहि भल्गर फिल्मको शिकार आफ्नो फिल्म भएको बताए । उनले भने, 'मेरो फिल्ममा कुनै आपत्ति नहुने सिनमा पनि बोर्डले आपत्ति जनाउँदा निकै अचम्म लाग्यो । मलाई लाग्छ यो सबै पछिल्लो समय आएका केहि भल्गर फिल्मको परिणाम हो ।' फिल्मको कथाबस्तु र प्रस्तुती नबुझी सेन्सर गर्ने सदस्यहरू प्रति व्ययङ्ग हान्दै पोखरेलले भने, 'अब त गुन्यू चोली लगाएर डोको बोकी भिरपाखामा गीत गाउँदै हिड्ने खालको फिल्म मात्र बनाउनु पर्ने भयो ।'
प्रियंका कार्की, निरज बराल, देबु श्रेष्ठ, सुमन गैरे, पूजा शर्मा र धिरेन्द्र राज थापाको मुख्य अभिनय रहेको रोमान्टिक प्रेमकथामा आधारित यो सस्पेन्स फिल्म देशभरका अधिकांश हलमा लाग्नेछ । फिल्मलाई थ्री ब्रदर्श क्रियशनले निर्माण गरेको हो । सेन्सर बोर्डले आपत्ति जनाएको केहि सिन हेर्न तलको प्रोमोमा क्लिक गर्नुहोला !
