१९ असोज, काठमाडौं । नेकपा एमालेका अध्यक्ष झलनाथ खनालले सरकारलाई सडकबाटै घुँडा टेकाउने चेतावनी दिनु भएको छ ।

Photo Credit:Onlinekhabar

वर्तमान सरकारविरुद्ध शक्ति प्रदर्शन गर्न राजधानीमा आयोजित विरोध जुसुलको सुभारम्भ गर्नुअघि सम्वोधन गर्दै खनालले प्रधानमन्त्रीले पद नछाडे बलपूर्वक निकाल्ने चेतावनी दिनुभयो । ‘यदि सत्ताधारीहरुले सुनेन भने आजको जनप्रदर्शन आन्दोलनमा परिणत हुनेछ । राष्ट्रव्यापी आँधीको रुपमा परिर्वतन हुनेछ । त्यो आँधीले सर्वसत्तावादलाई नेपाल भूमिबाट समाप्त पार्नेछ’ उहाँले भन्नुभयो-’हामीले तानेर खसास्ने हो कि आफैं ओर्लने हो म डा. बाबुराम भट्टराईलाई सोध्न चाहन्छु । तानेर खसाल्नु पर्ने हो भने आन्दोलन सुरु भयो ।’
उहाँले वर्तमान सरकारको बर्खास्ती र माओवादीको सर्वसत्ताबाद अन्त्य नभएसम्म एमालेले विश्राम नलिने बताउनु भयो । उहाँले भन्नुभयो-’एमाले त्यसै सडकमा आएको छैन । अब सडकमा उत्रिएर माओवादी सर्वसत्ताबादलाई समाप्त नगरुन्जेलसम्म नेकपा एमालेले विश्राम लिँदैन । हामी निरन्तर सडकमा हुन्छौं ।’
माओवादीको दिशाहिनता, ढुलमुलाहट र सर्वसत्ताबादी सोचका कारण संविधानसभा विघटन भएको भन्दै एमाले अध्यक्ष खनालले भन्नुभयो-’आज देश एउटा अन्योलताबाट गुजि्ररहेको छ । देशलाई अन्यलताबाट जुग्रन बाध्य पार्ने एनेकपा माओवादी नै हो ।’ राजनीतिक, आर्थिक, संवैधानिक लगायतका संकट समाधान गर्ने एक मात्र उपाय माओवादीको सर्वसत्ताबादी साशन समाप्त पार्ने र देशलाई सहमतिको बाटोमा ल्याउनु भएको उहाँको भनाई छ ।
अहिले पनि जादिबासी जनजाति एमालेकै रहेको भन्दै उहाँले फुटेर जानेहरुलाई बाँसले पट्याँसहरु फालेको संज्ञा दिनुभयो । ‘नेकपा एमालेमा संगठित भएका जाति जनजातिहरु अहिले पनि नेकपा एमालेमै छन्’ खनालले भन्नुभयो-’जब बाँसको टुसा बढ्न थाल्छ । बाँसको टुसा बढ्दै गएपछि त्यसले पट्याँसहरु फल्न थाल्छ । पट्याँस फेर्दा बाँस फुटेको हुँदैन । बाँस झन बलियो भएर जान्छ । हाम्रो पार्टीले पनि पट्याँसहरु फ्याक्दै जान्छ ।’ एमालेलाई हात्तिसँग तुलना गर्दै अध्यक्ष खनालले हाक्ति हिड्दा उसको शरीरबाट कति हिलो मैलो खस्यो भन्ने अर्थ नरहने बतायनु भयो । एमाले आफ्नो नीति र कार्यदिशामा एकतावद्ध भएर अघि बढ्ने बताउनु भयो ।

रत्नपार्कबाट सुरु भएको विरोध जुलुस बागबजार, पुतलिसडक, भ्रद्रकाली, सुन्धारा, न्यूरोड, बसन्तपुर, नरदेवी, असन, भोटाहिटी हुँदै खुलामञ्चमा पुगेर आमसभामा परिणत भएको छ ।
एमालेले विरोध प्रदर्शनलाई राष्ट्रिय सहमतिको सरकार लागि दबाव, बाबुराम सरकारको बर्हिगमन र माओवादी सर्वसत्ताबादी सोच विरुद्धको आन्दोलन भनेको छ । वर्तमान सरकार सहमतिको वाधक भएको भन्दै एमालेले बाबुराम सरकारको बर्हिगमनलाई सहमतिको पहिलो सर्त बनाएको छ ।
Onlinekhabar