आँखाको र्इशाराले चल्ने मोबाइलको चर्चा त सुन्नु भएकै होला। सामसुङले यसखालको सुविधा दिएका कारण उसको ग्यालेक्सी सिरिजको एस फोर निक्कै चर्चामा मात्र रहेन सामसुङको सफलतालाई अर्को एउटा शिखर चढायो। स्मार्टफोनमा मात्र होइन ल्यापटपमा पनि यसरी आँखाको र्इशाराले चलाउने सुविधाहरु थपिँदैछन्। विस्तारै ग्याजेट र मोबाइल प्रविधि हात वा माउसले चलाउने नभएर आँखाले चलाउने सुविधाका साथ बजारमा उत्रने तयारीमा छन्। जसले चलाउने व्यक्तिलाई त सजिलो भएको छ नै। विभिन्न खालका शारिरीक तथा मानसिक समस्या भएकाहरुलाई पनि यसले प्रविधिको प्रयोगमा सहज बनाएको छ। विभिन्नका कारण हातमा समस्या भएका तथा शारिरीक रुपमा दूर्बलहरुका लागि यस्ता खालका प्रविधि विकास गर्ने र उनीहरुलाई सबल बन्न र प्रविधिको माध्यमबाट जिवनलाई सहज बनाउन मदत गर्ने क्रम पनि चलेको छ। त्यसका लागि आँखा वा टाउकोबाट नियन्त्रण गरेर कम्प्युटर तथा अन्य ग्याजेट चलाउने प्रविधिको पनि विकास भएको छ। जसले विभिन्न कारणले शरिरका केही अंग वा भागले काम गर्न नसक्ने अवस्था भएकालाई त सजिलो भएको छ नै अरुलाई पनि नयाँ खालको प्रविधिको उपयोग गर्न सहज भएको छ। यस्तै एउटा सफ्टवेयर र प्रविधिको विकासले तपाइँलाई पनि आफ्नो कम्प्युटर आँखाको र्इशाराले चलाउन सक्ने बनाएको छ। पछिल्ला प्राविधिक सुधारका साथ आएका स्मार्टफोन मात्र होइन तपाइँसँग भएको पुरानो कम्प्युटरलाई पनि अब तपाइँ आँखाको र्इशाराले चलाउन सक्नुहुन्छ। त्यसखालको अवस्था बनाएको छ बोष्टन कलेजले। जहाँ शारिरीक अपांगता भएकालाई सजिलै कम्प्युटर चलाउन मदत गर्ने हिसाबमा सुरु भएको एउटा प्रोजेक्टले आँखाको र्इशाराले कम्प्युटर, ल्यापटप तथा ट्याब्लेट चलाउन सकिने बनाएको छ। बोष्टन कलेजका प्रोफेसर जेम्स गीप्स र माग्रिर्ट बेत्केले आँखाको र्इशाराले कम्प्युटर चलाउन सकिने सफ्टवेयरको विकास गरेका छन्। जसका लागि एउटा वेबक्याम भए पुग्छ। उनीहरुले आँखाले कम्प्युटर चलाउनका लागि क्यामेरा माउस नामको सफ्टवेयरको विकास गरेका हुन्। सन् २००७ मा विकास भएको यो सफ्टवेयरको २०१३ को संस्करणमा आउँदा सम्म निक्कै परिवर्तन भएको छ। जसले गर्दा सामान्य वेबक्याम प्रयोग गरेर तपाइँ आफ्नो कम्प्युटरलाई आँखाको माध्यमबाट चलाउन सक्नुहुन्छ। अहिले सम्म विश्वका १५ लाख व्यक्तिले यो सफ्टवेयर डाउनलोड गरेर प्रयोग गरिसकेका छन्।
सामान्यतया हामी कम्प्युटर, ल्यापटप हातको सहाराले माउस वा माउस प्याडमा छोएर, चलाएर सञ्चालन गर्र्छौं। तर यो सफ्टवेयर राखिसकेपछि तपाइँले टाउको र आँखा हल्लाएर कम्प्युटरमा माउसको काम गर्न सक्नुहुन्छ। त्यसका लागि तपाइँसँग कम्प्युटर, ल्यापटप तथा ट्याब्लेटमा वीण्डोज एक्सपी, भीष्टा, सेभेन वा ऐट हुनु पर्दछ भने गुणस्तरिय फोटो खिच्न सक्ने वेबक्याम पनि हुनु आवश्यक छ। तपाइँसँग यी कुरा छन् भने तपाइँले यहाँ क्लिक गरेर क्यामेरा माउस डाउनलोड गर्न सक्नुहुन्छ। यसलाई कम्प्युटरमा स्थापित गरिसकेपछि तपाइँले आफ्नो कम्प्युटरलाई आँखाले नै चलाउन सक्नुहुन्छ। यो सफ्टवेयर सित्तैमा उपलब्ध भएकाले तपाइँलाई थप कुनै आर्थिक भार पर्दैन।
यो सफ्टवेयर राखेर कसरी कम्प्युटर माउसले चलाउने भन्ने थप जान्नका लागि यहाँबाट म्यानुअल डाउनलोड गर्न सक्नुहुन्छ।
भिडियोमा हेर्नुस कसरी काम गर्छ यसले

सामाजिक सञ्जाल फेसबुकले पनि ट्वीटरले जस्तै भेरिफाइड पेजको सुविधा थप्ने भएको छ। गुगलको सामाजिक सञ्जाल गुगलप्लसमा समेत भेरिफाइड पेजका लागि छुट्टै लोगो छ भने माइक्रोब्लगिङ साइट ट्वीटर त भेरिफाइड एकाउन्टको महारथी नै हो। सूचना तथा जानकारीका लागि सामाजिक सञ्जालमा बढिरहेको विश्वासका कारण सामाजिक सञ्जालहरुको विश्वसनियताका लागि भेरिफाइड एकाउन्टको अवधारणा अगाडि ल्याएका हुन्। फेसबुकले आफ्नो न्यूज रुम नामक वेबसाइटमा गरेको पोस्टमा मानिसहरुलाई सेलिब्रेटी तथा प्रसिद्ध व्यक्तिका बारेमा सही जानकारी प्राप्त होस् भन्ने हिसाबमा भेरिफाइड पेज सुरु गर्न लागेको भनिएको छ। फेसबुकमा रहने भेरिफाइड पेजहरुमा नामको छेउमा एउटा सानो निलो रंगको वृत्ताकार भित्र ठिक चिन्ह हुनेछ । फेसबुकले यस्ता भेरिफाइड एकाउन्ट सरकारी कार्यालय, अधिकारी, लोकप्रिय ब्राण्ड, सेलिब्रेटी, प्रसिद्ध व्यक्तित्व जसका धेरै फ्यान छन् उनीहरुका लागि जारी गर्ने जनाएको छ।सामाजिक सञ्जालहरुमा बढिरहेको मानिसहरुको चापसँगै उनीहरु बीचमा सुविधाको प्रतिस्पर्धा कडा हुँदै गइरहेको छ। जसले गर्दा विश्वका सबैभन्दा धेरै मानिसहरु जोडिएका सामाजिक सञ्जाल फेसबुक र ट्वीटरले फरक फरक सुविधा आफ्नो वेबसाइटमा जोड्दै गएका छन्। सामाजिक सञ्जालबाट राम्रो आम्दानीको दबाबमा रहेका उनीहरुले सुविधा थप्ने र आफूलाई सुधार गर्ने कामलाई तिब्र बनाएका छन्। केही समय अगाडि मात्र फेसबुकले आफ्नो टाइमलाइन परिवर्तन गरेको थियो भने पछिल्लो पटक ट्वीटरले पनि आफ्नो सुविधामा संगीतलाई थपेको थियो।

काठमाडौ, जेष्ठ ३१ – गायक यम बराम क्यासिनोबाट पक्राउ परेका छन् । उनलाई आज बिहान ३ बजे प्रहरीले लैनचौरस्थित मल्ल क्यासिनोबाट पक्राउ गरेको हो । दरबार मार्ग प्रहरी कार्यालयमा राखिएको बराललाई भर्खरै हनुमानढोकातर्फ लगिएको छ । क्यासिनोमा नेपाली प्रतिबन्ध छ ।
निष्ठुरीले छाडेर गैहाली, मन रहे पो माया प्रितिजस्ता चर्चित गितका गायक बराल अमेरिका बसेर केही समयअघि नेपाल आएका थिए ।