२१ माघ, विराटनगर । नेपाली काँग्रेसका वरिष्ठ नेता शेरबहादुर देउवाले श्रमिकले आफ्नो श्रम गरेबापत स्वास्थ्य, शिक्षा तथा आयआर्जनको उचित व्यवस्था हुनुपर्ने बताउनुभएको छ ।
मोरङको टंकीसिनवारीमा रहेको श्रमिक बचत तथा ऋण सहकारी संस्थाको उद्घाटन गर्दै नेता देउवाले मजदुरको हकअधिकारका लागि लड्ने सङ्घ-सङ्गठनले मजदुरको हकअधिकारका साथै उद्योगलाई फस्टाउन पनि सहयोग गर्नुपर्ने बताउनुभयो । मजदुरको आर्थिकस्तर वृद्धि गर्न युनियन सक्रिय हुनेपर्ने उहाँको भनाई छ ।
कार्यक्रममा काँग्रेसका अर्का नेता मीनेन्द्र रिजालले नेपाली काँग्रेस सदैव आफ्नो आन्दोलनमा मजदुरको सहकार्य भएकाले उनीहरुको हितका लागि सदैव आवाज उठाइरहने दाबी गर्नुभयो ।
मोरङको ७ नं क्षेत्रमा रहेको उक्त सहकारीले पाँच गाविसमा आफ्ना कार्य सञ्चालन गर्ने जनाएको छ ।
