बेरोजगारीको सङ्ख्यामा झिनो कमीको अर्थ कुल बेरोजगारको सङ्ख्यामा अहिले लगातार छ महिनाका लागि गिरावट आएको छ । युरोजोनमा जारी आर्थिक मन्दीका कारण स्पेन पनि नराम्ररी प्रभावित भएको छ । स्पेनको बेरोजगारी दर २३ दशमलव तीन प्रतिशत छ । जुन यूरोजोनमा दोस्रो सबैभन्दा उच्च बेरोजगारी दर हो । यूरोजोनमा स्पेनभन्दा बढी बेरोजगारी दर ग्रिसको २७ दशमलव छ प्रतिशत छ ।
जुलाई महिनामा यूरोजोनको बेरोजगारी दर १२ दशमलव एक प्रतिशत रहेको छ । यूरोजोनमा सबैभन्दा कम बेरोजगारी दर जर्मनीमा पाँच दशमलव तीन प्रतिशत र अस्ट्रियामा चार दशमलव पाँच प्रतिशत रहेको छ । सन् २०१३ को दोस्रो त्रैमासिकमा शून्य दशमलव तीन प्रतिशतको आर्थिक वृद्धिका साथ समग्र यूरोजोन मन्दीबाट बाहिर निस्केको बेला स्पेनको आर्थिक उत्पादन सो त्रैमासिकमा शून्य दशमलव एक प्रतिशतले गिरावट आएको छ ।